Yunanıstanın PAOK klubunda çıxış edən braziliyalı Pedro Enrikenin "Qarabağ”a icarə əsasında keçidi bu gün rəsmiləşə bilər.
Sportarena.az xəbər verir ki, bu barədə Yunanıstanın sport24.gr saytı məlumat yayıb. Pedronun meneceri bu gün Salonikidə PAOK-un idman direktoru Lüboş Mixel ilə görüşəcək. Görüş zamanı 27 yaşlı oyunçunun gələcək karyerası ilə bağlı yekun qərar veriləcək.
Qeyd edək ki, daha öncə İsveçrə "Sürix”ində oynamış Pedro Enrike 2016-cı ildə Fransa "Renn”indən PAOK-a keçib. Braziliyalı vinger Yunanıstan klubunda 23 oyunda 6 qol vurub.