"Qəbələ" klubu Avropa Klublar Assosiasiyasına (ECA) üzv qəbul olunub.
Sportarena.az xəbər verir ki, ECA-nın İsveçrənin Cenevrə şəhərindəki Baş Assambleyasında qəbul edilən qərara əsasən, "qırmızı-qaralar" ECA-da hələlik assosiativ üzv statusuna malik olacaqlar. Bu klub Topaz Premyer Liqasını tərk etmiş AZAL-ı əvəzləyib. "Qəbələ"ni iclasda klubun baş meneceri Zaur Əzizov təmsil edib.
Qeyd edək ki, bundan əvvəl "Qarabağ" və "Neftçi" qurumda tamhüquqlu üzv statusuna malik olub.