Svanadze: "Bizi belə oyunlar çox gözləyir"

Sportarena.az      9 Sentyabr 2018, 19:35

Azərbaycan Premyer Liqasının 4-cü turunda doğma meydanda “Kəpəz”ə qalib gələn (3:2) “İnter”in baş məşqçisi Zaur Svanadze oyunsonrası mətbuat konfransında jurnalistlərin suallarını cavablandırıb.

 

Sportarena.az xəbər verir ki, gürcü mütəxəssis əvvəlcə oyunla bağlı fikirlərini bildirib:

 

- 3 xal qazandıq. Yaxşı ki qalib gəldik. Komandamın oyunundan razı qaldım. Yenə oyuna yaxşı başladıq və erkən qol vurduq. Ancaq sonra həmişəki kimi “panika”ya düşdük. Niyə belə olduğunu bilmirəm. Rəqib standart vəziyyətlərdə çox güclüdü və bundan istifadə etdilər. 3 qol vurduqdan dərhal sonra 2 qol buraxmaq yaxşı hal deyil. İkinci hissədə daha yaxşı oynadıq. Bizim üçün mövsüm boyu çox çətin olacaq.

 

- Oyundan sonra futbolçulara nə dediz?
- Onları təbrik etdim. Dedim ki, bizi belə oyunlar çox gözləyir. Ancaq bəzi texniki problemlər var. Bunlar texniki problemlərdi, düzəltmək mümkündü. Öz üzərimizdə çalışmalıyıq.

 

- Nizami Hacıyevin əvəzlənməsi nə ilə bağlı idi? 
- Nizamini əvəzləməyim zədəylə bağlı deyildi. Belə istədim.

 

- Futbolçular oyun zamanı tez-tez top itkilərinə yol verirdilər. Sanki nizam-intizam aşağı səviyyədədi. Məsələn, ilk qol buraxılan zaman Nizami Hacıyev mərkəzdə yersiz vəziyyətdə top itirdi, ikinci qolda isə Orxan Sadıqlı çox irəli çıxmışdı.
- Bu məsələdə haqlısız. Nizaminin yersiz top itirməsini nizam-intizamla bağlamıram. Belə vəziyyətlərə yol vermək olmaz. Onun əvəzlənməsi isə onun bu hərəkətləriylə bağlı deyildi. Sadəcə, qarşılaşmadan öncə əzələsində ağrı olduğunu demişdi.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin