Futbol üzrə Çexiya kubokunda 3-cü təsnifat mərhələsinin oyunları keçirilib.
Sportarena.az xəbər verir ki, Azərbaycan yığmasının qapıçısı Kamran Ağayevin formasını geyindiyi “Mlada Boleslav” da növbəti matçına çıxıb. Sözügedən kollektiv “Pribram”la qarşılaşıb. Futbolçumuzun komandası bu oyundan qələbə ilə ayrılıb (3:0) və adını 1/8 finala yazdırıb.
Kamran da bu görüşün iştirakçısı olub. O, start heyətdə meydana çıxıb və sonadək oynayıb.