Fariz Nəcəfov: "Siz bunu hardan eşitmisiniz?"

Sportarena.az      24 Sentyabr 2018, 21:46

"Qəbələ" Topaz Premyer Liqasının 6-cı turunda "Neftçi"yə 2:1 hesabı ilə qalib gəlib.

 

Sportarena.az xəbər verir ki, oyundan sonra "Qəbələ"nin vitse-prezidenti Fariz Nəcəfov jurnalistlərin suallarını cavablandırıb. Nəcəfov ilk olaraq komandanın iki üzvü - Stiven Monroz və Ruslan Qurbanov arasında baş verən qalmaqala münasibət bildirib:

 

- Bu, xoşagəlməz haldır. Mən şəxsən bunu qəbul edə bilmirəm. Komanda yoldaşları belə kobud rəftar edə bilməzlər. Araşdırılacaq və kim günhkardırsa, ciddi şəkildə cəzalanacaq. Başqa cür mümkün də deyil. Bu, baş məşqçi və futbolçu arasında olan məsələ deyil. Birbaşa klubun imicidi.

 

- Oyun komponentində sizi narazı salan daha çox nədir?
- Bu məşqçiyə aid olan məslələrdi. Ancaq mənim istədiyim kimi top saxlamırıq. Bu gün çox imkan əldə etdik, amma 2 dəfə fərqləndik, amma müdafiədə çox səhvlər etdik. Məşqçimiz səhvləri bilir. Mən bir şeyi növbəti dəfə vurğulamaq istəyirəm: çempionatın limiti dəyişdirilməlidir. Yerli oyunçu baxımından əziyyət çəkirik. Nəticə qazana bilmirik deyə demirəm. Məsələyə ümumi baxıram. Çempionatda "Qarabağ"dan başqa hamı bu problemlə üzləşir. Ola bilsin ki, onlar bu işi daha yaxşı görüblər. Yəqin ki,  "Qarabağ" bu məslədə daha yaxşı iş görüb. Bunu etiraf etmək lazımdır. Biz də etmək istəyirik, ancaq alınmır. Yerli futbolçu demək olar ki, yoxdur.

 

- Ramin Musayevlə matçı birgə izlədiniz. Onunla bu məsələdə danışdınız?
- O, fikirlərimlə tam razıdır. Özündən də soruşa bilərsiniz. Bu məsələni qaldırmaq lazımdı ki, növbəti mövsüm bunu azaldaq. Demirik ki, birdəfəlik limit ləğv olunsun. Start heyətdə 5 deyil, 3 azərbaycanlı olsun. Ancaq süni inkişafla uğur olmaz. Limit üçə endirilsə, futbolçular arasında da rəqabət yüksək olacaq.

 

- Komandada maliyyə durumunun zəiflədiyi və maaşların verilmədiyi xəbərləri dolaşır...
- Siz bunu hardan eşitmisiniz? Bu, normal haldı. Bir az gecikmə oldu. Artıq məvaciblər verilib. Hər şey qaydasındadı. Komandada ab-hava yaxşıdır.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin