"Zirə" ilə "İnter"in 1:1 sevgisi

Sportarena.az      25 Sentyabr 2018, 17:10

 

Azərbaycan Premyer Liqasının 6-cı turunun “Zirə” - “İnter” oyunu nadir təsadüf olunan seriyanın davamı ilə diqqət çəkib. 

 

Sportarena.az xəbər verir ki, 1:1 hesabı ilə başa çatan paytaxt derbisi ardıcıl 5-ci dəfə heç-heçə nəticələnib. Ötən mövsümdə 4 dəfə bərabərliklə ayrılan rəqiblər yeni mövsümə də “sülh”lə başlayıb. Bu da eyni komandaların ardıcıl heç-heçələri sıralaması baxımından Azərbaycan çempionatları tarixinin rekordunun təkrarıdı.

 

Yarışın 25 illik tarixində bunadək 3 cüt ardıcıl 5 dəfə heç-heçə etmişdi. 2011-12-ci illərdə AZAL-la “İnter”, 2013-14-cü illərdə AZAL-la “Xəzər Lənkəran”, 2013-15-ci illərdə “Rəvan”la “Sumqayıt” 5 qarşılaşmada qalibi müəyyənləşdirə bilməmişdi.

 

Tarixə 4-cü belə seriya kimi düşən “Zirə” - “İnter” duelləri Premyer Liqanın 2-ci dövrəsində mütləq rekordu da müəyyənləşdirə bilər. Bunun üçün 12-ci turun “İnter Arena”dakı görüşündə də heç-heçənin yaşanması yetərlidi. Amma paytaxt derbisi əvvəlki üç “sülhsevər” cütdən fərqlənir. Çünki həmin seriyalarda hesab nəticələri fərqli olubsa, “Zirə”ylə “İnter”in bütün heç-heçələri eynihesablıdı - 1:1.

 

5 dəfə bu hesabla ayrılan rəqiblər daha bir rekordu təkrarlayıb. Belə ki, 1992-ci ildən keçirilən Azərbaycan çempionatlarında bunadək yalnız bir cütün oyunları ardıcıl 5 dəfə eyni nəticə ilə başa çatmışdı. 2016-17-ci illərdə “Qarabağ” “Zirə”ni 5 dəfə 2:0 hesabı ilə məğlub etmişdi. Daha 6 cütdə isə eyni nəticə 4 dəfə təkrarlanıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin