Rəşad Sadıqov: "Bu məsələ barədə fikir mübadiləsi aparmadıq"

01:10 28 Sentyabr 2017

"Qarabağ"ın kapitanı Rəşad Sadıqov Çempionlar Liqasının qrup mərhələsinin “Roma” ilə oyunundan (1:2) sonra jurnalistlərə müsahibə verib. Ağdam

 

Sportarena.az xəbər verir ki, o jurnalistlərin suallarını cavablandırıb:

 

- “Roma”ya məğlub oldunuz. Matç haqda nə deyə bilərsiniz?

- Bütün oyunlardan öncə yaxşı nəticə qazanacağımıza inanırıq. Amma matçın əvvəli bizim üçün gözlənilməz başladı. Ümumiyyətlə, qrupda keçirdiyimiz hər iki oyuna həyəcanla başlamışıq. Vəziyyəti öz xeyrimizdə dəyişmək istəsək də, rəqib futbolçuların ustalıq səviyyəsinin üstün olması bizə problem yaratdı. Şükürlər olsun ki, erkən qoldan sonra “sınmadıq” və oyunda dönüş yarada bildik. İkinci hissədə xeyli qol imkanlarımız olsa da, onlardan istifadə edə bilmədik. Düşünürəm ki, 1 xal qazanıb tarix yaza bilərdik. Təəssüflər olsun ki, bunu edə bilmədik.

 

- Edin Cekonun qapımıza vurduğu qol zamanı nə baş verdi?

- Ümumiyyətlə, “Roma”nın belə düşünülmüş hücumları var və bunu bilirdik. Sadəcə, həmin epziodda rəqibə daha rahat oynamağa şərait yaratdıq və Ceko bizi cəzalandırmağı bacardı. Ümumiyyətlə, Edin Ceko yaxşı hücumçudur və ona qarşı oynamaq çox çətindir.  

 

- Necə düşünürsünüz, “Roma” bu oyuna görə “Qarabağ”dan çəkinməlidir?

- Fikrimcə, “Roma” futbolçuları ikinci hissədə nəticəyə görə çox narahat idilər.

 

- Demək olar ki, hakim bütün şübhəli qərarları “Roma”nın xeyrinə verdi. Onunla bu haqda söhbətin oldu?

- Xeyr, bu məsələ barədə fikir mübadiləsi aparmadıq.

 

- Tribunalarda möhtəşəm azarkeş dəstəyi var idi. Bu barədə nə deyə bilərsən?

- Möhtəşəm atmosfer var idi. Bizə dəstək olan hər kəsə təşəkkür edirəm. Ümid edirəm ki, onlar da stadiona gəldikləri üçün peşman olmadılar. Əlbəttə, onları qələbə ilə sevindirmək istəyirdik. 


Digər xəbərlər

Xəbər xətti