"Kəpəz" - "Qəbələ" matçının yeri dəyişdirildi

13:21 28 Sentyabr 2017

“Kəpəz” klubu Peşəkar Futbol Liqasına müraciət edib.

 

Sportarena.az xəbər verir ki, klub Gəncə şəhər stadionunda təmir işlərinin yekunlaşmadığını əsas gətirərək 7-ci turda keçirilməli olan “Kəpəz” - “Qəbələ” matçının yerinin dəyişdirilməsini xahiş edib. Yenidənqurma işlərini və “Qəbələ” klubunun razılıq məktubunu alan PFL aşağıdakı qərarları qəbul edib:

 

Azərbaycan Premyer Liqasının 7-ci turunun “Kəpəz” - “Qəbələ” matçı 29 sentyabr 2017-ci tarixində Qəbələ şəhər stadionunda keçirilsin.

 

7-ci turda meydan sahibi “Qəbələ” klubu, hər iki klubun iştirakı ilə ikinci dövrənin matçında meydan sahibi kimi “Kəpəz” klubu təsdiq edilsin.

 

Xatırladaq ki, “Kəpəz” bu mövsüm Gəncədə keçirilməli olan oyunlarının birində ev sahibi kimi çıxış edib. Qərb təmsilçisi 2-ci turda "Zirə"ni Yevlaxda qəbul edib.


Digər xəbərlər

Xəbər xətti