Sportarena.az
24 Oktyabr 2017

Davud Kərimi: “Kəpəz”i ağır duruma biz futbolçular salmışıq" - MÜSAHİBƏ

12 Punto 14 Punto 16 Punto 18 Punto

“Kəpəz”in qolkiperi Davud Kərimi klub saytına müsahibə verib.

 

Sportarena.az sizi həmin müsahibə ilə tanış edir:
 

- Davud, söhbətə “Səbail” ilə oyun haqda fikirlərini öyrənməklə başlamaq istərdik...
- Çempionatda istər əvvəlki bütün oyunlara, istərsə də “Səbail”ə qarşı matça qələbə üçün çıxmışdıq, fikrimiz uğurlu nəticə əldə etmək idi. Bunun üçün kifayət qədər motivasiyalı idik. Rəqibi də ciddiyə almışdıq. Xalımız azdı, ona görə hər oyunda qələbəyə ehtiyacımız var. Amma son oyunda yaxşı oynamadıq və bunun da nəticəsində uduzduq. Bakı klubu da eyni məqsədlə meydana çıxmışdı və istəyinə nail oldu.

 

- Ümumiyyətlə, komandada nə baş verir?
- İnanın ki, pis çıxış etmək üçün heç bir səbəb yoxdu. Oyunlara köklənməyimiz, hazırlığımız normaldı. Qalır mübarizə aparıb xal qazanmaq. Buna da hələlik, nail ola bilmirik.

 

- “Kəpəz” bundan əvvəlki turda “Qarabağ”a uduzsa da, layiqli şəkildə çıxış edib rəqibə ciddi müqavimət göstərmişdi. Amma “Səbail” ilə oyunda bunu görmədik. Niyə?
- Tam doğru buyurursuz. Biz Yevlaxda “Zirə”yə böyük hesabla uduzduq lakin belə oynamadıq. Topa sahibolmada üstünlük bizdə idi. Amma son matçda çox bərbad çıxış etdik. Baş məşqçimiz haqlı olaraq çempionatda ən zəif oyunumuzu keçirdiyimizi bildirdi. Hücum qura bilmirdik. Zəif çıxışımızın da nəticəsində uduzduq.

 

- Matçın gedişində tez-tez komanda yoldaşlarına irad tuturdun. Lakin kənardan məşqçi tapşırıqları, meydanda da sənin sözlərin onlara kömək etmədi. 
- Pis vəziyyətdəyik, məğlub olsaq belə, hər oyun öncəsi yeni motivasiyaya ehtiyacımız olur. Bizi komandaya Şahin Diniyev gətirib. O, inanaraq futbolçuları heyətə cəlb edib, onun ümidlərini doğrultmalıyıq. Başqa cür ola bilməz. Diniyev bizim üçün çox əziyyət çəkib. Bu gün “Kəpəz”i ağır duruma biz futbolçular salmışıq, günahkarıq. Klub rəhbərliyi, Şahin müəllim və azarkeşlər bu cür nəticələrə layiq deyil. Onlar üçün daha yaxşısını etməliyik. Ona görə “Səbail” ilə görüşdə meydanda danışmaq missiyasını öz üzərimə götürüb uşaqları toparlamağa çalışırdım. Kimsə oynayır, digəri məğlubiyyətin şokundan başını itirir, başqa birisi oynamaq istəyir amma özünü ələ ala bilmir. Belə halda sözlərlə komanda yoldaşlarına ürək-dirək verməyə çalışırsan. Bir kollektiv olaraq hamımız eyni yerə vurmalı, can yandırmalıyıq. Başa düşürəm oyunumuz alınmaya bilər, amma asan təslim olmaq olmaz, mübarizə aparmaq lazımdı. Oyunda çox əsəbi idim. Komandanı bu vəziyyətdən tezliklə çıxarmalıyıq.

 

- Sizi qarşıda daha bir çətin oyun gözləyir. “Qəbələ” çempionatın iddialı klublarından biridir. Bu oyundan nə gözləyək?
- “Qəbələ” çempionatın ən güclü komandaları sırasındadı, odu ki, bizi gərgin görüş gözləyir. Rəqibin yaxşı heyəti var. Amma səfərə məğlubiyyət üçün yollanmayacağıq. Əlimizi yanımıza sallayıb təslim olmayacağıq. Rəqibin kimliyindən asılı olmayaraq layiqli mübarizə aparmaq və nəticə qazanmaq lazımdı.

 

- “Kəpəz” adına yaraşmayan yerdədi...
- Düzdü, bizdən qələbə gözləyənlərdən üzrxahlıq edirik. “Xəmsə” fanklubunun rəhbəri Adil Məmmədovun doğum günü tədbirində fanatlarımızla görüşdük. Onların yanında çox utandıq. “Səbail”ə qarşı matçın sonunda heç azarkeşlərə tərəf gedə bilmədim. Çünki fanatlarımıza yaxşı nəticə söz vermişdik, amma sözümüzü tuta bilmədik. Komanda olaraq azarkeşlərin dəstəyinə indi daha çox ehtiyacımız var. Bizdən küsməsinlər, “Kəpəz” Gəncədə oynamağa başlayanda onları tez-tez sevindirəcəyimizə inanırıq.

Tarix
28.09.17 [15:42]
* Xəbərə şərh yoxdur. İlk şərhi sən yaz

Adınız
E-mail adresiniz
Şərhiniz

Xəbər xətti

24 Oktyabr
23 Oktyabr 

Facebook

Sorğu

Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram

Copyright © 2017 Sportarena.az
Saytı hazırladı: Five studio