Fərzəliyev: "Qazandığımız nəticələr onları buna vadar edir”

Sportarena.az      29 Sentyabr 2018, 17:33

Bu gün Sloveniyanın Lyublyana şəhərində 2018-ci ildə keçiriləcək Avropa çempionatının final mərhələsinin püşkü atılıb. Millimiz D qrupunda İspaniya və Fransa ilə mübarizə aparacaq.

 

Sportarena.az xəbər verir ki, millinin kapitanı Rizvan Fərzəliyev püşkün nəticəsini AFF-nin rəsmi “facebook” səhifəsinə dəyərləndirib:

 

“Düzdü, İspaniya çətin rəqibdi, amma Azərbaycan millisi də asan yeniləcək komanda deyil. Artıq 5-ci dəfədi ki, Avropa çempionatının final mərhələsinə vəsiqə qazanmışıq. Deməli, kifayət qədər təcrübəmiz var. Oyunlara qədər qalan vaxtı düzgün dəyərləndirməli, ciddi hazırlaşmalıyıq. Mübarizəni qrup mərhələsi ilə məhdudlaşdırmaq haqda düşünmürük.

 

Razıyam, bu gün İspaniya dünyada ən güclü yığmalardan biridi. Sonuncu dünya çempionatında büdrəsələr də, zəif rəqib deyillər. İndi qrupumuzun favoriti onlar hesab edilir, amma biz sona qədər mübarizə aparacağıq.

 

Fransaya gəldikdə, onlar ilk mərhələdən bura qədər uzun yol qət ediblər. Üstəlik, pley-offda Xorvatiya kimi komandanı yarışdan kənarlaşdırıblar. Halbuki onlar da son illərdə final mərhələsinin iştirakçıları sırasında görməyə alışdığımız rəqiblərdəndi. Deməli, Fransa komandası hazırda yüksəlişdədi.

Bir faktı da vurğulayım ki, yığmamıza indi bütün komandalar hörmətlə yanaşır. Bu da əbəs yerə deyil. Dünya çempionatında nümayiş etdirdiyimiz oyunlar, eləcə də ardıcıl Avropa çempionatının final mərhələsində iştirakımız və qazandığımız nəticələr onları buna vadar edir”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin