Azərbaycan Premyer Liqasının 7-ci turunda "Kəpəz”lə qarşılaşan "Qəbələ” yığmaların oyunları ilə əlaqədar yaranan fasilə dövründəki hazırlıq planı müəyyənləşib.
Sportarena.az xəbər verir ki, Gəncə təmsilçisi ilə sentyabrın 29-da keçirilən ev oyunundan (0:2) sonra qısa istirahətə buraxılan "qırmızı-qaralar” hazırlıqlarını oktyabrın 3-də bərpa edəcək. Məşq prosesinə yığmaların düşərgəsində olan futbolçular qatılmayacaq.
"Qəbələ” fasilə dövründə yoxlama oyunu da keçirəcək. Komandamız hazırlıq matçında "Neftçi” ilə üz-üzə gələcək. Görüş oktyabrın 7-də baş tutacaq. Bakıdakı İsmət Qayıbov adına təlim-məşq bazasında keçiriləcək qarşılaşma saat 16:00-da başlayacaq.