"Sumqayıt"ın və gənclər millisinin sabiq futbolçusu Nicat Muxtarov bu gün azadlığa çıxıb.
Sportarena.az xəbər verir ki, bu barədə Sportinfo.az-a onun atası Asif Muxtarov məlumat verib:
"Şükür Allaha, oğlum artıq yanımızdadı. Mənim üçün bundan sevincli gün ola bilməz. O, heç vaxt pis yolda olmayıb, bundan sonra da həmin yola düşməyəcək".
Qeyd edək ki, Nicat Muxtarov sentyabrın 9-da və 15-də Sumqayıt telekommunikasiya qovşağına məxsus ümumilikdə 695 metr hava rabitə kabelinin kəsilərək oğurlamaqda şübhəli bilinən mütəşəkkil qrupun tərkibində tutulub.