Prosineçki bu gün millimizdən ayrıla bilər - AÇIQLAMA

Sportarena.az      18 Oktyabr 2018, 11:10

Azərbaycan millisinin baş məşqçisi Robert Prosineçkinin “Kayserispor”da çalışdığı zaman köməkçisi olmuş Alp Çağlar xorvat mütəxəssislə bağlı Türkiyə mətbuatına açıqlama verib.

 

Sportarena.az xəbər verir ki, türkiyəli məşqçi “haber61.net” saytına açıqlamasında Prosineçkinin bu gün millimizdən ayrıla biləcəyini deyib:

 

“Prosineçki danışıqları menecerlər vasitəsilə aparmağı xoşlamır, rəsmilərlə üz-üzə görüşməyi sevir. Hazırda “Trabzonspor”u gözləyir. Ancaq klubun bəzi nümayəndələri gözlənilmədən fikir dəyişiblər. O da buna əsəbləşib. Mövsümün əvvəlində Prosineçki ilə “Bursaspor” ilinə 1,5 milyon avro olmaqla 2 illik anlaşma əldə etmişdi. Ancaq Azərbaycan Futbol Federasiyaları Assosiasiyası (AFFA) onu buraxmamışdı. Baş məşqçi istəsəydi, gedə bilərdi. Ancaq pis şəkildə ayrılmaq istəmədiyi üçün “Bursaspor”a keçmədi. İndi isə Azərbaycan tərəfi ilə müqavilə müddəti bitir. Sabah (bu gün) Bakıya gedib vidalaşacaq. Yığmada çalışmaq istəmir, artıq işlərini düz-qoş edib. Azərbaycandan ayrılacaq”.

 

Xatırladaq ki, Prosineçkinin millimizlə müqavilə müddəti bu ilin dekabrında bitəcək. Onun xidmətində Sloveniya və Bosniya və Herseqovina kimi yığmaların maraqlı olduğu deyilir. Prosineçkinin "Trabzonspor"da çalışacağı deyilsə də, Qaradəniz təmsilçisi dünən Rza Çalımbayla anlaşdığı barədə xəbərlər yayılıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin