“Qarabağ”ın Çempionlar Liqasının qrup mərhələsindəki rəqiblərindən “Atletiko”nun bir müddətdi zədədən əziyyət çəkən futbolçusu Koke məşqlərə başlayıb.
Sportarena.az xəbər verir ki, bu barədə məlumatı İspaniya mətbuatı yayıb. Xəbərdə zədəsini sağaldan Kokenin artıq komanda ilə məşqlərə başladığı qeyd edilib. O, fizioterapevtin nəzarəti altında məşq edib. Kokenin yaxın günlərdə tam hazır vəziyyətə çatacağı gözlənilir.
Xatırladaq ki, ispan yarımmüdafiəçi zədə səbəbindən Bakıda ÇL-in qrup mərhələsinin “Qarabağ”la, La Liqada “Selta”yla, həmçinin, kubokda "Elçe" ilə oyunu buraxmalı olmuşdu.