“Qələbə qazanmaq çox gözəl bir şeydir. Komanda yaxşı vəziyyətədədir. Bu oyun bizim üçün daha önəmlidir.Çünki qalib gəlsək, 4-cü pilləyə yüksələcəyik. Bundan əlavə komandada əhval-ruhiyyə yaxşıdır. Kollektiv daha yaxşıdır. İnşallah qələbə qazanarıq".
Sportarena.az xəbər verir ki, bu sözləri "Neftçi"nin futbolçusu Rəhman Hacıyev Topaz Premyer Liqanın 10-cu turunda "Sumqayıt"la oyun öncəsi klubun "youtube" kanalına deyib. O, ən çox azarkeşlərin üzünü güldürdükləri üçün sevindiklərini bildirib:
"Onlar həmişə pis və ya yaxşı günümüzdə yanımızda olublar. Sağ olsunlar. Bu oyunda da onlardan çox şey aslıdır. Onlar bizim üçün 12-ci nəfərdirlər. Bizim üçün azarkeşlərin dəstəyi çox önəmlidir. "Sumqayıt"la görüşdə də onları gözləyirik. İnşallah, azarkeşləri sevindirərik".
Qeyd edək ki, "Neftçi" - "Sumqayıt" matçı sabah keçiriləcək.