Renat oynadı, Murad dubla imza atdı

10:32 30 Oktyabr 2017

Almaniyanın “Ayntraxt” klubunun U-19 kollektivi gənclər arasında təşkil olunan Bundesliqanın cənub zonasında növbəti matçına çıxıb.

 

Sportarena.az xəbər verir ki, Azərbaycan yığmasının hücumçusu Renat Dadaşovun və U-19 millimizin üzvü Murad Mahmudovun formasını geyindiyi Frankfurt təmsilçisi 10-cu tur çərçivəsində doğma meydanda “Nürnberq”lə qarşılaşıb. Dörd qolun vurulduğu oyunda futbolçularımızın komandası inamlı qələbəyə sevinib - 4:0.

 

Futbolçularımız da bu matçın iştirakçısı olublar. Onların hər ikisi meydana start heyətdə çıxıb və sonadək oynayıblar. Mahmudov komandasının qələbəsində də xüsusi pay sahibi olub. O, 31-ci dəqiqədə “Ayntraxt”ın ikinci, 61-də isə sonuncu qoluna imza atıb.

 

“Ayntraxt” hazırda 14 xalla 14 klub arasında 5-ci pillədə qərarlaşıb.


Xəbər xətti