"Atletiko" Çempionlar Liqasının qrup mərhələsinin 4-cü turunda təmsilçimiz "Qarabağ"ı qəbul edib və 1:1 hesablı heç-heçə edib.
Sportarena.az xəbər verir ki, oyundan sonra Madrid klubunun müdafiəçisi Dieqo Qodin açıqlama verib:
"Qalib gəlmək üçün hər şey etdik, alınmadı. Bəzən özünü də tənqid etməlisən. Bu anda birlikdə olmalıyıq və azarkeşlərimiz bizə dəstək nümayiş etdirməlidirlər. Hazırda yaxşı vəziyyətdə deyilik. Hamımız bir-biriməz kömək etməli və bu çətin durumdan çıxmalıyıq".
Uruqvaylı futbolçu qrupdan çıxmaq şanslarından danışıb:
"Hazırda işimiz çox çətindir. Çempionlar Liqasında müarizəni dayandıra da bilərik. Artıq taleyimiz öz əlimizdə deyil".