Futbol üzrə Albaniya çempionatında 10-cu turun oyunları keçirilib.
Sportarena.az xəbər verir ki, azərbaycanlı futbolçu Rauf Əliyevin formasını geyindiyi “Kukesi” də növbəti matçına çıxıb. Sözügedən kollektiv səfərdə “Kamza” ilə qarşılaşıb. Futbolçumuzun komandası bu oyundan heç-heçə ilə ayrılıb - 2:2. Millimizin üzvü də bu görüşün iştirakçısı olub. Rauf meydana matçın 55-ci dəqiqəsində çıxıb.
“Kukesi” geridə qalan turlarda 19 xal toplayıb və 10 komanda arasında ikinci pillədə qərarlaşıb.