Azarkeşlərdən "Çelsi" ilə oyun üçün aksiya - "Biz "əzik", "fakir" deyildik"

Sportarena.az      17 Noyabr 2018, 12:15

Çempionlar Liqasının qrup mərhələsində Azərbaycanı uğurla təmil edən "Qarabağ"ın 5-ci oyununa sayılı günlər qalıb.

 

Sportarena.az xəbər verir ki, noyabrın 22-də Bakı Olimpiya Stadionunda "Çelsi"ni qəbul edəcək Ağdam klubunun satışa çıxardığı biletlər artıq tamamilə satılıb. Bu, matça olan marağın göstəricisidir. Azarkeşlər "Qarabağ"ı sonuncu və turnir cədvəli baxımından kifayət qədər vacib olan ev oyununda yalnız buraxmaq istəmirlər.

 

"Çelsi" ilə oyunda "Qarabağ" azarkeşlərini xareqrofiya hazırlamaqla sevindirməyi planlaşdırır. Fanatlar isə müxtəlif yollarla Azərbaycan çempionuna dəstək olmağa çalışacaqlarını bildirirlər. Sosial şəbəkələrdə bu yöndə müxtəlif aksiyalar keçirilir. Aksiyalardan biri xüsusilə diqqətimizi çəkdi.

 

Belə ki, "Facebook" sosial şəbəkəsində kifayət qədər izləyicisi olan "İpəzor" səhifəsində azarkeşlərə müraciət edilərək "Çelsi" ilə oyuna üzərində "Qarabağ" yazılmış A4 tipli vərəqlərdə gəlməklə bağlı çağırış edilib. "Qoy görsünlər ki, biz "əzik", "fakir" deyil, sadəcə səmimi idik" deyə matça gələcək azarkeşlərə müraciət edilib.

 

 

Qeyd edək ki, "Qarabağ" "Atletiko" ilə ev oyunundan sonra (0:0) Türkiyənin "Sabah" qəzetinin yazarı Mövlud Təzəl matç zamanı A4 vərəqlərdə bir neçə azarkeş tərəfindən açılmış "Qarabağ" pankartına "əzik" və "fakir" şərhini yazmışdı. Onun bu yazısı Azərbaycanda və eləcə də qardaş ölkədə ciddi etirazlara səbəb olmuş, qəzet yazını silmək məcburiyyətində qalmışdı, Tezel daha sonra dəfələrlə yazısına üzr istəsə də, insanlar onun bu addımını demək olar ki, bağışlamadılar.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin