"Kəpəz"in futbolçusu: "Başqa nəticə bizə sərf etmir" - AÇIQLAMA

16:15 17 Noyabr 2017

"Elə fikirləşirəm ki, artıq komandada hamı qələbə qazanmağın, uğurlu nəticə əldə etməyin vaxtı çatdığını düşünür. Başqa nəticə bizə sərf etmir".
 
Sportarena.az xəbər verir ki, bu sözləri "Kəpəz"in futbolçusu Məhəmməd Qurbanov klubun rəsmi saytına açıqlamasında deyib.
 
O, Azərbaycan Premyer Liqasının 12-ci turunda "Səbail"lə keçiriləcək oyun haqda danışıb:
 
"Yalnız qalib gəlməliyik. Bizim üçün vacib oyundur. Ona görə də matça ciddi hazırlaşmışıq. Məşqlərimiz yaxşı keçib. Çempionatda yaranan fasilə komandanın xeyrinə işləyib. Yaxşı hazırlaşmaq, çatışmazlıqları aradan qaldırmaq üçün daha çox vaxtımız olub”.
 
Son iki matçda 90 dəqiqə meydanda olan komandanın yeni transferi oyununda irəliləyiş olduğunu bildirib:
 
"Hansı səviyyədə hazır olduğumu qarşıdakı oyun göstərəcək. Fiziki planda irəliləyişlər var. Az da olsa artırdığımı düşünürəm. Bunun üzərində çalışıram. Zamanla hər şey yoluna düşəcək”.


Xəbər xətti