"Kəpəz”in baş məşqçisi Şahin Diniyev istefa verib.
Sportarena.az xəbər verir ki, Diniyev bu addımı ölkə çempionatının 12-ci turu çərçivəsində bu gün keçirilmiş “Səbail”lə oyundan sonra atıb. 51 yaşlı mütəxəssis evdə 2:3 hesablı məğlubiyyətin ardından təşkil edilən mətbuat konfransında istefa verdiyini açıqlayıb. Klub rəhbərliyinin onun istefasını qəbul edib-etməyəcəyi bəlli deyil.
Şahin Diniyev 2015-ci ildən "Kəpəz"i çalışdırırdı. Komanda cari mövsümdə 12 turdan sonra 7 xalla sonuncu pillədə qərarlaşıb.