"Çelsi"nin futbolçusu Qari Kehill "Qarabağ"la keçirəcəkləri Çempionlar Liqasının 5-ci tur matçı ərəfəsində açıqlamalar verib.
Sportarena.az xəbər verir ki, 32 yaşlı mərkəz müdafiəçisi bildirib ki, İtaliya "Roma"sı ilə görüşlər "zadəganlar" üçün çətin keçib:
"İngiltərə Premyer Liqasında sürət yığmağa başladıqdan sonra yenidən Çempionlar Liqasına qayıdırıq. Bu da bizim üçün vacibdir. Xüsusən, ötən tur "Roma"ya 0:3 hesablı səfər məğlubiyyəti bizim üçün şok oldu. Bundan sonra yaradıcı oyun sərgiləyərək, Premyer Liqada ardıcıl 4 qələbə qazandıq. İndi isə hər şey öz əlimizdədir".
Kapitan "Qarabağ"la oyuna da qələbə üçün çıxacaqlarını açıqlayıb:
"Bilirik ki, "Qarabağ"la görüşdə bizə qələbə lazımdır. Bu halda 1/8 finala vəsiqəni vaxtından əvvəl təmin edəcəyik. Biz özümüzə əmin olmalıyıq".
Qeye edək ki, noyabrın 22-də Bakı Olimpiya Stadionunda keçiriləcək "Qarabağ" - "Çelsi" matçı saat 21:00-da başlayacaq.