“Real” Çempionlar Liqasının qrup mərhələsində APOEL-lə keçiriləcək oyun üçün Kiprə gəlib.
Sportarena.az xəbər verir ki, oyunun keçiriləcəyi Nikosiya şəhərində insident yaşanıb. "Real"ın forvardı Kriştiano Ronaldo mətbuat zonasında jurnalistlərin suallarını cavablandırıb. Azarkeşlərdən biri saxta vəsiqə ilə o zonaya daxil ola bilib. O, qəflətən Ronaldoya yaxınlaşaraq, onunla selfi çəkdirmək istəyib. Təhlükəsizlik qüvvələrinin vaxtında müdaxiləsi sayəsində azarkeşi zərərsizləşdirmək mümkün olub.
Qeyd edək ki, APOEL - “Real” oyunu bu gün saat 23:45-də keçiriləcək.
