“Qarabağ” evdə, “Qəbələ” səfərdə

Sportarena.az      11 Dekabr 2018, 18:16

Azərbaycan Premyer Liqasında 2017/18 mövsümünün ilk yarısına yekun vurulub.

 

Sportarena.az xəbər verir ki, 4-cü turun təxirə salınmış “Səbail” -“Qarabağ” qarşılaşması (0:2) 14 turu əhatə edən 56 matçlıq ilk yarının son görüşü olub. Mövsümün ilk yarısında bəzi oyunların meydan sahibləri dəyişdirildiyindən, komandaların ev və səfər matçlarının sayı fərqli olub. “Qarabağ”, “Səbail” və “Keşlə” öz meydanında, “Sumqayıt”, “Neftçi” və “Kəpəz” rəqib meydanında daha çox oyuna çıxıb.

 

Evdə uduzmayan yeganə komanda “Qarabağ”dı. Ağdam klubu öz meydanında hamıdan çox - 22 xal toplayıb. Qurban Qurbanovun yetirmələri evdə ən az qol (2) buraxan, “Zirə” isə ən məhsuldar (14) komanda olub. “Kəpəz” isə öz meydanında nəinki qələbə, heç xal da qazanmayıb. Qərblilər ən az qol vurub, ən çoxunu buraxan komandadı.

 

Səfərdə isə “Qarabağ”la “Qəbələ” daha çox - 15 xal toplayıb. Ağdamlılar 1 oyun az keçirsələr də, əlavə göstəricilərdə “Qəbələ” ən yaxşı səfər komandası olub. Roman Qriqorçukun yetirmələrinin rəqib meydanındakı məhsuldarlığı da (17) hamıdan yüksəkdi. “Qarabağ”la “Zirə” səfərdə cəmi 4 top buraxıb. Rəqib meydanında qələbə qazanmayan “Keşlə” isə səfərdə ən az xal (1) toplayıb, ən az qol vuran (3) komandadı. “Sumqayıt” isə rəqib meydanında ən çox - 13 top buraxıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin