Millimizin üzvü klubundan hədə ilə maaşını aldı

Sportarena.az      15 Dekabr 2018, 11:31

Millimizin üzvü Dəniz Yılmaz şərəfini qoruduğu Türkiyənin "Bursaspor" klubundan 1 milyon türk lirəsi borcunu hədə yolu ilə alıb.

 

Sportarena.az xəbər verir ki, bu barədə Türkiyə mətbuatı məlumat yayıb. O,  "Adanaspor"la oyundan sonra borcunun ödənilməsi ilə bağlı öz klubuna xəbərdarlıq edib. Borcunun bir gün ərzində ödənilməsini tələb edən millimizin üzvü əks təqdirdə, müqaviləsini birtərəfli qaydada pozaraq, azad agent olacağını bildirib. "Bursaspor" maliyyə fair-pleyi məsələsində problemlə üzləşməmək üçün dərhal nəğd pul axtarışına başlayıb. Klub axşam saatlarında həmin vəsaiti taparaq futbolçuya ödəyib.

 

Ancaq Yılmazın bu hərəkəti maddi problemlər yaşayan klubun prezidenti Ali Ayı əsəbiləşdirib. Ötən həftə "Bursaspor" rəhbərliyi komandanın məşqçi heyəti və futbolçularla görüş keçirərə  maaşın  2 ay gecikmə ilə ödənişinə dair razılığa gəlib. Amma Dənizin bu hərəkəti klub tərəfindən müsbət qarşılanmayıb. Bundan sonra klub rəhbərliyi 2019-cu il mayın 31-i müqaviləsi başa çatacaq oyunçunu bu qış satmaq qərarına gəlib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin