“Mançester Yunayted” baş məşqçisi Joze Mourinyo ilə yeni müqavilə bağlamaq fikrindən daşınıb.
Sportarena.az xəbər verir ki, bu barədə məlumatı İngiltərə mətbuatı yayıb. Xəbərdə “qırmızı şeytanlar”ın rəhbərliyində Premyer Liqanın 19-cu turu çərçivəsində baş tutmuş “Lester”lə səfər oyunundan (2:2) sonra portuqaliyalı mütəxəssisin komandanı gücləndirəcəyinə dair şübhələr yarandığı, buna görə, onunla yeni müqaviləylə bağlı danışıqları dayandırdığı qeyd edilib. Belə ki, klub rəhbərliyinin Mounun MY-ni çempionluq uğrunda mübarizə aparacaq səviyyəyə çatdıracağına inanmadığı vurğulanıb.
Xatırladaq ki, Premyer Liqanın 19 turundan sonra 42 xal toplamış “Mançester Yunayted” 2-ci pillədə qərarlaşıb. Mankunianlar lider “Mançester Siti”dən 13 xal geri qalır.
Mourinyonun “Mançester Yunayted”lə müqavilə müddəti 2019-cu ilin yayında başa çatacaq.