Venger Premyer Liqanın tarixinə düşdü

12:58 1 Yanvar 2018

London “Arsenal”ının baş məşqçisi Arsen Venger rekorda imza atıb.

 

Sportarena.az xəbər verir ki, fransız mütəxəssis İngiltərə Premyer Liqasındakı matç sayına görə mütləq rekordçu olub. 68 yaşlı məşqçi bunu çempionatın 21-ci turunda “Vest Bromviç”lə səfər oyununda rəsmiləşdirib. 1:1 hesabıyla başa çatan görüş Vengerin İngiltərə çempionatındakı 811-ci qarşılaşma olub.

 

Xatırladaq ki, bundan əvvəlki rekord “Mançester Yunayted”in əfsanəvi sabiq çalışdırıcısı Aleks Ferqyusona məxsus idi. O, “qırmızı şeytanlar”ı 810 çempionat matçına çıxarmışdı.

 

Venger “Arsenal”a 1996-cı ildən rəhbərlik edir. O, London təmsilçisi ilə üç dəfə İngiltərə çempionu olub (1997/98, 2001/02, 2003/04).


Digər xəbərlər

Xəbər xətti