"Neftçi"də 2 yeni təyinat

18:15 9 Yanvar 2018

"Neftçi”nin əvəzedici komandasına baş məşqçi təyin olunub.

 

Sportarena.az xəbər verir ki, qarşılıqlı razılaşma əsasında müqaviləsinə xitam verilən Elşad Əhmədovun yerinə əvəzediciləri Vadar Nuriyev çalışdıracaq.

 

1998-2001-ci illərdə "Neftçi”nin heyətində 44 oyun keçirmiş Vadar Nuriyev 1999-cu ildə Azərbaycan kubokunun qalibi olub. 45 yaşlı mütəxəssis "İnter”in əvəzedici və U-19 komandalarında və "Olimpik-Şüvəlan"ın əvəzedicilərində baş məşqçi, 19 yaşlılardan ibarət Azərbaycan millisində, AZAL və MOİK klublarında isə baş məşqçinin köməkçisi vəzifəsində çalışıb.

 

Bunadək "Neftçi"nin U-16 komandasında baş məşqçinin köməkçisi vəzifəsini yerinə yetirən Ədahim Niftəliyev isə əvəzedicilərin baş məşqçi köməkçisi təyin olunub.

 

Niftəliyev 1996-2002-ci illərdə "Neftçi”nin heyətində 90 oyun keçirib və Vadar Nuriyevlə birgə 1999-cu ildə Azərbaycan kubokunu qazanan komandanın futbolçularından olub.


Xəbər xətti