Neymar məhkəməlik oldu - Dələduzluğa görə

Sportarena.az      14 Yanvar 2018, 14:59

Futbol üzrə Braziliya yığmasının və Fransanın PSJ klubunun hücumçusu Neymar məhkəmə qarşısına çıxacaq.

 

Sportarena.az xəbər verir ki, o, Braziliyanın “Santos” klubundan İspaniya “Barselona”sına transferi zamanı dələduzluğa yol verməkdə təqsirli bilinir. “El Pais” nəşrinin iddiasına görə, 26 yaşlı forvardın Kataloniya təmsilçisinə keçidi rəsmi olaraq 57,1 milyon avroya başa gəlib. Amma ondan cəmi 17,1 milyon avro “Santos”a çatıb, qalanı isə Neymarın valideynlərinə məxsus şirkətə qismət olub.

 

Daha sonra “Barselona”nın prezidenti Jozep Bartomeu etiraf etmişdi ki, Neymarın transferi “Barselona”ya 86,2 milyon avroya başa gəlib. Bu üzdən də sözügedən qalmaqalla əlaqədar Neymarla yanaşı, Bartomeu, həmçinin Kataloniya klubunun sabiq prezidenti Sandro Rosel və futbolçunun atası da məhkəmə qarşısında cavab verməli olacaq.

 

Qeyd edək ki, 2013-cü ilin mayında “Barselona”ya transfer olunan Neymar 2017-ci ilin yayında rekord məbləğ qarşılığında – 222 milyon avroya PSJ-yə keçib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin