Türkiyənin Antalya bölgəsində toplanışda olan “Neftçi” klubu iki əcnəbi futbolçunu baxışa çağırıb
Sportarena.az xəbər verir ki, söhbət ukraynalı İqor Sikorski və mərakeşli Roxti Axentedən gedir. Hər iki futbolçu bakılıların Rusiyanın “SKA-Xabarovsk” komandası ilə yoxlama matçında (1:8) ehtiyat oyunçular skamiyasında yer alıb.
30 yaşlı Sikorski yarımmüdafiəçidir. Onun son iş yeri Ukraynanın I divizionunda çıxış edən “Nikolayev” klubu olub.
Mərakeş yığmasında 2 oyun keçirən Axente isə Hollandiyanın PSV klubunun yetirməsidir. 30 yaşlı sol cinah yarımmüdafiəçisinin son klubu Hollandiya çempionatının I divizionunda mübarizə aparan "Qou Ehed iqls" klubudur.
