AFFA 21 nəfərə sertifikat verdi

Sportarena.az      23 Yanvar 2018, 18:23

Bu gün AFFA-nın inzibati binasında Lisenziyalaşdırma qrupunun təşkilatçılığı ilə "Lisenziyalaşdırma üzrə menecerlər üçün kurs” çərçivəsində keçirilmiş imtahanı müvəffəqiyyətlə verən iştirakçıların təltifetmə mərasimi olub.

 

Sportarena.az xəbər verir ki, əvvəlcə iştirakçılara imtahanın nəticələri ilə bağlı statistik məlumat verilib. Daha sonra AFFA-nın baş katibinin müavini Sərxan Hacıyev sertifikatları təqdim edib.

 

Keçirilmiş kurs çərçivəsində klub nümayəndələri Lisenziyalaşdırma qrupu tərəfindən hazırlanmış video dərslərlə tanış olmaq imkanı əldə ediblər.

 

Qeyd edək ki, imtahan ötən il dekabrın 18-də keçirilib. İmtahanda iştirak edə bilməyən, eləcə də minimum bal səddini keçə bilməyən iştirakçılar üçün bu il yanvarın 8-də təkrar imtahan təşkil olunub. İmtahanda ümumilikdə 21 nəfər iştirak edib ki, onlardan 5-i təkrar qatılıb. Yekunda bütün iştirakçılar müvəffəqiyyət qazanıb. Üç iştirakçı - Eldəniz Ağayev, Hicran Qasımov və Zöhrab Hacıyev imtahan zamanı yüksək nəticə göstərdiyinə görə (90%-dan yuxarı) fərqlənmə sertifikatı ilə təltif olunub.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin