"Real"ın futbolçusu Kriştiano Ronaldo haqda yeni məlumat yayılıb.
Sportarena.az xəbər verir ki, Ronaldo evlənməyə hazırlaşdığı Corcina Rodrigezə Rayan Sadjen adlı modellə xəyanət etmək istəyib. Belə ki, 2003-cü ildən tanış olub dostlaşan Rayan və Kriştianonun uzun müddətdir əlaqəsi olmasa da, futbolçu bu yaxınlarda yenidən modelə mesaj yazmağa başlayıb.
Əvvəlcə dostcasına ismarıclar göndərən Ronaldo sonradan çərçivədən kənara çıxıb. Bunu görən Rayan bir neçə dəfə ona nişanlı olduğunu xatırlatsa da, lakin Kriştiano buna əhəmiyyət verməyib.
Sonradan söhbətə modelin nişanlısı Oliver Mellor qarışıb və o, Ronaldodan Sadjendən uzaq durmağı tələb edib.
Qeyd edək ki, idmançının yayda nikah masasına oturmağa hazırlaşdığı sevgilisi Corcina Rodrigezdən bir qızı var. Bundan başqa, onun əkizləri və 7 yaşlı oğlu surroqat ana vasitəsilə dünyaya gəlib.
