“Qarabağ”ın qapıçısı İbrahim Şehiç Bosniya və Herseqovina millisinin heyətində oyuna çıxıb.
Sportarena.az xəbər verir ki, qolkiper ABŞ-ın Karson şəhərində, yerli milli ilə matçda start heyətində yer alıb. “Qarabağ”lı 90 dəqiqə meydanda olub. Qarşılaşma isə qolsuz bərabərliklə başa çatıb.
Xatırladaq ki, bu matç millimizin sabiq baş məşqçisi Robert Prosineçkinin Bosniya və Herseqovina yığmasının “sükanı arxasında” ilk oyunu olub.