Türkiyə toplanışını başa vuraraq vətənə qayıdan “Neftçi” bu gün yoxlama oyununda qüvvəsini sınayıb.
Sportarena.az xəbər verir ki, Tərlan Əhmədovun çalışdırdığı komanda birinci divizion təmsilçisi “Sabah”la qarşılaşıb. İsmət Qayıbov adına təlim-məşq bazasında baş tutan qarşılaşma "ağ-qaralar"ın minimal hesablı qələbəsi ilə nəticələnib. Oyunda "Neftçi"nin yeganə qoluna penaltidən Emin Mahmudov imza atıb. O, matçın 73-cü dəqiqəsində Mirabdulla Abbasova qarşı kobudluğa görə təyin edilmiş 11 metrlik cərimə zərbəsini dəqiq yerinə yetirib.