AFFA Azərbaycan millisinə yoxlama oyunu keçirmək üçün daha bir rəqib tapıb.
Sportarena.az xəbər verir ki, yığmamız gələn ay Belarus millisi ilə üz-üzə gələcək. Oyun martın 23-də Bakı Olimpiya Stadionunda keçiriləcək və saat 20:00-da başlayacaq.
Millimiz martın 27-də Antalyada Makedoniya yığması ilə də yoxlama matçında qüvvəsini sınayacaq. İyunun 9-da isə səfərdə Latviya millisi ilə yoldaşlıq görüşü nəzərdə tutulub.