Qriqorçuk: "Nəticədən razı qaldım"

Sportarena.az      11 Fevral 2018, 00:23

Topaz Premyer Liqasının 15-ci turu çərçivəsində səfərdə “Qarabağ”la heç-heçə edən (0:0) “Qəbələ”nin baş məşqçisi Roman Qriqorçuk oyunsonrası mətbuat konfransında jurnalistlərin suallarını cavablandırıb.

 

Sportarena.az xəbər verir ki, ukraynalı mütəxəssis əvvəlcə matçla bağlı fikirlərini bildirib:

 

- Çox yaxşı komandaya qarşı oynadıq. Heç-heçə bizim üçün yaxşı nəticədi. Rəqibin oyunçularının fərdi ustalıq qabiliyyəti çox yaxşı idi. Ancaq onları zərərsizləşdirə bildik. Nəticəni qənaətbəxş sayıram.

 

- Nəticəni qənaətbəxş saydığınızı dediz. Bura heç-heçə üçün gəlmişdiz?
- Əlbəttə, istəyərdik ki, bu matçda təkqapı oynayaq. Bu gün nəticədən razı qaldım. Mən artıq buna cavab verdim. “Qarabağ” da çempion olmaq istəyir. Buna görə, rəqib meydanında heç-heçə yaxşı nəticədi. Komandamdan razı qaldım.

 

- Dabonun zədəsi nə yerdədi?
- Hələ ki, heç nə bəlli deyil. Sabah ya birigün onun vəziyyətinə aydınlıq gələcək.

 

- Qış fasiləsində Ekiqo Ehiosun komandanı tərk etsə də, hücum xəttinə transfer edilmədi. Bu, mövsümün gedişində komandaya problem yaratmayacaq ki? 
- Əlbəttə, bizə hücumameyilli futbolçu lazımdı. Xüsusilə, “Qarabağ” kimi komandaya qarşı bizim belə oyunçuya ehtiyacımız var. Ancaq bu cür futbolçunu tapmaq heç də asan deyil.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin