Azərbaycanın gənclərdən ibarət yığma komandasının sabiq üzvü Tural Hümbətov Makedoniyanın “Pobeda” klubu ilə yollarını ayırıb.
Sportarena.az xəbər verir ki, qış fasiləsindən sonra yenidən bu klubun düşərgəsinə qayıdan, təlim-məşq toplanışında da iştirak edən futbolçumuzun Makedoniya təmsilçisindən ayrılmasının səbəbləri bəlli deyil.
Hümbətov artıq özünə yeni klub da tapıb. O, Monteneqro “Deçiç” klubuna üz tutub. Böyük ehtimalla futbolçumuz mövsümün qalan hissəsini məhz Çernoqoriya çempionatında davam etdirəcək.
Qeyd edək ki, “Deçiç” Çernoqoriya çempionatında 19 turdan sonra cəmi 15 xalla 10 iştirakçı arasında sonuncu pillədə qərarlaşıb. Tuzi təmsilçisində vaxtilə AZAL-ın şərəfini qorumuş qapıçı Stanislav Namaşko da çıxış edir.
Hümbətov “Pobeda”ya 2017-ci ilin yayında keçmişdi.