Dani Kintana: "Qəbələ”nin belə xallar itirməsi mənim üçün gözlənilməz oldu"

Sportarena.az      11 Mart 2018, 10:16

"Qarabağ"ın futbolçusu Dani Kintana evdə "Zirə"yə 2:0 hesabı ilə qalib gəldikləri Topaz Premyer Liqasının 19-cu tur matçından sonra brifinq keçirib.

 

Sportarena.az xəbər verir ki, o, öncə oyunu dəyərləndirib:

 

- Erkən qol vurmağımız yaxşı oldu. Bir az sonra isə ikinci qolu vurduq. Həmişə olduğu kimi, oyuna da biz nəzarət edirdik. Düşünürəm ki, komanda bu gün 3 xala layiq oyun sərgilədi.

 

- Oyunun gedişində bir neçə dəfə mövqeyini dəyişdin. Bununla bağlı nə deyə bilərsən?
- Məşqçi mənə meydanda sərbəst hərəkət etmək imkanı yaradır. Bunun üçün sevinirəm. Bu gün də uğurlu alındı. Bəzən vəziyyətdən asılı olaraq, mövqeyimi dəyişirdim. Qol da vurdum.

 

- Növbəti oyun "Neftçi” ilə qarşılaşacaqsız. Bu komanda son turlarda yaxşı çıxış edir...
- Biz də bilirik ki, bu komanda yaxşı formadadı. Ardıcıl qələbələr qazanırlar. Bu oyunda da meydana hər zaman olduğu kimi, 3 xal üçün çıxacağıq. "Qarabağ” olaraq məqsədimiz budu. Onları isə çətinə salmağa çalışacağıq.

 

- Demək olar ki, "Qəbələ” çempionluq mübarizəsindən qopub. Bu, sənin üçün gözlənilməz oldu?
- "Qəbələ”nin belə xallar itirməsi mənim üçün də gözlənilməz oldu. Heç kəsi hesabdan silmirik. Heç nə həll olunmayıb. Biz mübarizəmizi davam etdirəcəyik. Addım-addım irəliləyirik. Hər zaman qarşımızdakı növbəti oyuna baxırıq. Çempionatın qalan 9 turunda da eynisini etməyə çalışacağıq.

 

- Sənin fikrincə, irəli xəttdə Mahir Mədədov istedadlıdı, yoxsa Ramil Şeydayev?
- Bu məsələlər barədə danışmayaq. Bu qərarları məşqçi verir. Komandamızın bütün hücumçuları bizim üçün önəmlidi. Məşqçi start heyətdə Ramilə şans verdi. Bu məsələyə qarışmaq istəməzdim.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin