Avropa Liqasının 1/8 final mərhələsi çərçivəsində İspaniyanın “Atletik” və Fransanın “Olimpik” (Marsel) klubları arasında keçirilmiş cavab oyunundan öncə insident qeydə alınıb.
Sportarena.az xəbər verir ki, Marsel təmsilçisinin azarkeşləri oyunun keçirildiyi “San Mames” stadionunun mühafizəçilərinə hücum ediblər. Tərəflər arasındakı dava-dalaş arenanın təhlükəsizlik xidmətinin iki əməkdaşının yaralanması ilə nəticələnib. Onlar dərhal xəstəxanaya çatdırılıblar və həyati təhlükələrinin olmadığı bildirilir. Mühafizəçilərə hücum çəkən fransız fanatların bir neçəsi saxlanılıb. Oyunun gedişi zamanı da fransız azarkeşlərin tribunalarda olaylar çıxardığı da bildirilir.
Qeyd edək ki, bu oyun Fransa təmsilçisinin 2:1 hesablı qələbəsi ilə başa çatıb. İlk oyunda da qələbə qazanmış marsellilər 1/4 finala yüksəliblər.