Topaz Premyer Liqasının 21-ci turunda "Zirə" səfərdə "Kəpəz"lə qarşılaşıb.
Sportarena.az xəbər verir ki, 0:0 hesabı ilə başa çatan görüşdən sonra komandamızın baş məşqçisi Ayxan Abbasov matçla bağlı fikirlərini bildirib:
"Gərgin, maraqlı oyun alındı. Bilirdik ki, qış fasiləsindən sonra “Kəpəz” heç kimə asan məğlub olmayıb. Hətta son dəqiqələrdə buraxdıqları qollara baxmayaraq da, layiqli oynayıblar. Bizim komandaya gəlincə, təəssüf ki, 3-4 real qol şansımız olsa da, bunu bacarmadıq. Bütün hallarda uşaqlar əzmkar futbol sərgilədi və yetirmələrimdən razı qaldığımı deyə bilərəm".