Topaz Premyer Liqasında mübarizə aparan klubların əvəzedici heyətləri arasında təşkil olunan ölkə birinciliyində 22-ci tura yekun vurulub.
Sportarena.az xəbər verir ki, ilk oyun günündə iki görüş baş tutub. “Kəpəz” - “Keşlə” oyununda qapılara qol vurulmayıb. “Qarabağ” isə “Səbail”lə ev oyunundan qələbə ilə ayrılıb.
Bu gün keçirilən iki oyunla tura yekun vurulub. "Zirə" evdə "Qəbələ"ni böyük hesabla məğlub edib - 3:0. "Sumqayıt" isə səfərdə "Neftçi"dən üstün olub - 2:1.
Əvəzedicilərin çempionatı, 22-ci tur
8 aprel
Kəpəz - Keşlə 0:0
Qarabağ - Səbail 2:1
Qol: Ağabala Ramazanov, 13; 51 - Pərviz Qaraxanov, 28.
9 aprel
Zirə - Qəbələ 3:0
Qol: Mirsahib Abbasov, 56. Orxan Əliyev, 60. Tapdıq Əhmədov, 65.
Neftçi - Sumqayıt 1:2
Qol: Cavidan Qasımlı, 50 - Elvin Nəsibov, 9; 64.