Futbol üzrə Hollandiya Birinci Divizionunda (Jupiler Liqa) 35-ci turun oyunları keçirilib.
Sportarena.az xəbər verir ki, azərbaycanlı futbolçu Ziya Əzizovun formasını geyindiyi “Den Boş” da növbəti matçına çıxıb. Sözügedən kollektiv doğma meydanda “Ayaks”ın gənclərdən ibarət komandası ilə qarşılaşıb. Futbolçumuzun komandası bu oyundan məğlubiyyətlə ayrılıb - 2:5.
Əzizov da bu görüşün iştirakçısı olub. O, matçın 73-cü dəqiqəsində meydana buraxılıb.
"Den Boş" hazırda 44 xalla 20 klub arasında 13-cü pillədə qərarlaşıb.