Pərdis Fərcad-Azad: "Yaxşı ki, Sezar ona qulaq asmadı"

Sportarena.az      13 Aprel 2018, 10:14

“Keşlə”nin hücumçusu Pərdis Fərcad-Azad ölkə kubokunun yarımfinal mərhələsinin ilk oyununda “Sumqayıt” üzərində 1:0 hesabı ilə qələbə qazandıqları oyundan sonra jurnalistlərin suallarını cavabandırıb.

 

Prosport.Az xəbər verir ki, o, əvvəlcə qarşılaşma ilə bağlı fikirlərini açıqlayıb.

 

- Biz rəqibdən daha yaxşı oynadıq. "Sumqayıt" yaxşı komandadır, top saxlamağı bacarırlar. Ancaq bu gün ardıcıl 2-3 dəqiq ötürmə verə bilmirdilər. Çünki onlara qarşı pressinq tətbiq edirdik. Bu, yaxşı oynadığımızdan xəbər verir.

 

- Bu hesab finala çıxmaq üçün sizə kömək edə bilər?

- Əlbəttə. Əsas odur ki, qol buraxmadıq. Amma hələ heç nə bitməyib. Çempionlar Liqasında gördük ki, futbolda hər şey ola bilər.

 

- Amma Çempionlar Liqası ilə Premyer Liqamızın səviyyəsi tam başqadır...

- Düzdür. Hələ rahat deyilik. Cavab matçına yaxşı hazırlaşmalıyıq.

 

- Sənə də elə gəlmirmi ki, heç-heçəlik oyun idi. Sadəcə, Sezar Meza Kollinin fərdi ustalığı sayəsində vurduğu qol “Keşlə”yə qələbə qazandırdı?

- Bəli. Onun yaxşı zərbə vuracağına inanırdım.

 
- Skarlatake də sanki cərimə zərbəsi vaxtı ona nəsə dedi...

- Skarlatake ondan ötürmə verməyini istədi. Yaxşı ki, Sezar ona qulaq asmadı. Bu qol oyunun taleyini həll etdi.

 

- Demək olar ki, final şansınız “Sumqayıt”a nisbətən daha çoxdur?

- Xeyr. "Sumqayıt" 2:0 hesabı ilə qələbə qazansa, finala vəsiqə qazanacaq. Rəqib meydanında da fərqlənə bilsək, şanslarımız daha yüksək olacaq.

 

- Klub rəhbərliyi paltardəyişmə otağına gələrək sizi təbrik etdi?

- Hələ yox. Ancaq edəcəklər. Yəqin ki, təkrar matçdan sonra finala çıxmaq münasibətilə.

 

- Qələbəyə görə mükafat söz verilmişdi?

- Bəli. Mükafat da deyilib, yaxşı məbləğdir.

 

- Yəni deyirsən ki, həmin pula meydanda can qoymağa dəyər...

- (gülür) Əlbəttə. Necə ürəklə çıxış etdiyimizi görmədiniz?!

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin