Ayxan Abbasov tribunadan qovuldu

Sportarena.az      15 Aprel 2018, 23:19

Azərbaycan Premyer Liqasının 23-cü turunda Zirə Neftçini qəbul edib.

 

Sportarena.az xəbər verir ki, oyunun son dəqiqələrində yerli azarkeşlər komandanın son oyunlarda uğursuz nəticələrinə etiraz olaraq baş məşqçi Ayxan Abbasovu istefaya səsləyiblər. Abbasov isə bu vaxt azarkeşlərlə mübahisə edib. Baş məşqçi azarkeşlərə hirsini su qabları yığılan xüsusi yeşiyə təpik vurmaqla çıxıb. Bu epizod baş hakim Rəhim Həsənovun gözündən yayınmayıb və o, Abbasovu tribunaya göndərib.

 

Bundan sonra fanatlar daha da əsəbləşərək, "Ayxan, rədd ol" qışqırmağa başlayıblar. Bu vaxt "Zirə"nin futbolçuları fanatları sakit olmağa çağırıb.

 

Maraqlıdı ki, zirəli azarkeşlərin istefa çağırışlarına "Neftçi" tərəfdarları da qoşularaq, “Ayxan istefa” şüarı səsləndirməyə başlayıblar.

 

“Zirə” rəhbərliyinin məsələyə müdaxiləsindən sonra polislər “istefa” şüarı səsləndirən yerli fanatları tribunadan uzaqlaşdırıblar.

 

Qeyd edək ki, bu qarşılaşmada “Neftçi” 3:0 hesabıyla qalib gəlib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin