Azərbaycan millisinin daha bir yoldaşlıq oyunu keçirəcəyi müəyyənləşib.
Sportarena.az xəbər verir ki, AFFA ilə Qazaxıstan Futbol Federasiyası arasında əldə olunmuş razılığa əsasən, iyunun 5-də Astana şəhərində Qazaxıstan və Azərbaycan milliləri arasında yoldaşlıq oyunu keçiriləcək.
Bu razılaşma çərçivəsində milli komandaların oyunundan bir gün əvvəl - iyunun 4-də, Astanada Qazaxıstan və Azərbaycanın 21 yaşadək futbolçulardan ibarət yığmaları yoldaşlıq oyununda üz-üzə gələcək.
U-21-lərin oyunu Bakı vaxtı ilə saat 17:00-da, Qurban Qurbanovun rəhbərlik etdiyi komandanın qarşılaşması isə saat 22:00-da başlayacaq.