Rəşad Əzizli: "Heç kimə azarkeşlik etmirik"

Sportarena.az      19 Aprel 2018, 02:12

“Neftçi”nin qapıçısı Rəşad Əzizli ölkə kubokunun yarımfinal mərhələsində “Qəbələ”yə uduzaraq mübarizəni dayandırdıqları oyundan sonra jurnalistlərin suallarını cavablandırıb.

 

Sportarena.az xəbər verir ki, qolkiper əvvəlcə 1:3 hesablı məğlubiyyəti şərh edib.

 

- Qəbələdəki ilk oyunda qalib gəlsəniz də, bu gün uduzub kubokdan kənarda qaldınız. Niyə belə alındı?
- İlk oyunda qələbə qazansaq da, cavab matçında da nəticə önəmliydi. Bəxtimiz gətirmədi. Özüm də şanssız qollar buraxdım. Diqqətsizlik oldu.


- Bu oyuna qədər hər kəs “Neftçi”ni finalda görürdü. Bu amilsizdə arxayınçılıq yaratmamışdı?
- Yox, qətiyyən arxayınçılıqdan söhbət gedə bilməz. Sadəcə, oyunumuz alınmadı. Həmişə udmaq da olmur. Uduzmağı da bacarmaq lazımdır.

- “Qəbələ” “Neftçi”nin qapısından 3 top keçirdi. Hansısa qolda özünü günahkar bilirsən?
- Mən qapıçıyamsa və top da qapıya gedirsə, komandaya kömək etməliyəm.

- İlk qolu siz vursanız da, hesabı qoruyub-saxlaya bilmədiniz. Oyunun dönüş anı kimi nəyi qeyd etmək olar?
- Bizə vaxt çatmadı. Komanda gec toparlandı. 1 qol vursaydıq, davamı gələcəkdi. Bəxtimiz gətirmədi. Hər iki oyunda üstün tərəf biz idik. Diqqətsizlikdən qolllar buraxdıq. Toparlanmaq istəyəndə isə artıq gec idi.

- Yəqin ki, bundan sonra kubokda “Qəbələ”yə azarkeşlik edərsiniz, çempionatda isə 4-cü yer üçün mübarizə apararsınız...
- Yox, biz öz oyunumuzu oynayacağıq. Heç kimə azarkeşlik etmirik. Qələbə qazanıb irəli getmək lazımdır.

- Avroliqa şanslarınızı necə dəyərləndirirsən?
- Şansımız var. Əsas məqsədimiz 3-cü yeri tutmaqdır. Amma 4-cü yerlə də Avroliqaya vəsiqə qazana bilərik.

- 4 gün sonra yenidən “Qəbələ” ilə oynayacaqsınız...
- O matçda da qələbə üçün çıxacağıq.

- Həmin oyuna qisas kimi baxmaq olarmı?
- Xeyr, biz hər görüşdə ancaq qələbəni fikirləşirik. Qələbə qazansaq, hər şey öz yerini tapacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin