Ozobiç Errera ilə arasındakı gərginlikdən danışdı: "Futbolda belə gərginliklər olur"

Sportarena.az      19 Aprel 2018, 13:09

"Qəbələ"nin legioneri Filip Ozobiç Azərbaycan kubokunun yarımfinal mərhələsində "Neftçi"yə 3:1 hesabıyla qalib gəldikləri cavab  oyunundan sonra brifinqdə jurnalistlərin suallarını cavablandırıb.

 

Sportarena.az xəbər verir ki, xorvat yarımmüdafiəçi öncə rəqib futbolçu İqnaiso Herrerayla insidentinə aydınlıq gətirib.

 

- Oyundan sonra paltardəyişmə otağına gedərkən "Neftçi"nin çilili yarımmüdafiəçisi İqnasio Errera ilə aranda insident oldu. Nə baş verdi?

- Elə ciddi şey olmadı.

 

- Məgər sən ispanca bilirsən?

- (gülür) Yox, bilmirəm.

 

- Onda İqnasioya necə cavab verdin?

- Xorvatca. Bilirəm ki, futbolda belə gərginliklər olur. Əlbəttə, heç kim uduzmaq istəməz. Məğlub olanda əsəbiləşirsən. Bu, normaldı, nə deyə bilərsən?

 

- Ümumiyyətlə, insident necə baş verdi?

- Yəqin, onlar düşünürdülər ki, simulyasiya edirdim. Ancaq belə deyildi, ayağımdan zərbə almışdım.

 

- Sizi finala çıxaran oyunu necə dəyərləndirərdiniz? Qəbələdəki məğlubiyyətdən sonra çoxları düşünürdü ki, kubokda mübarizəni dayandıracaqsınız...

- İndi komandamız üçün çətin vaxtdı. Ancaq xarakter göstərdik və finala çıxmağı bacardıq. Fikrimcə, "Neftçi"ylə cavab yarımfinal matçında daha yaxşı idik.

 

- Hesabı rəqib açandan sonra inamınız var idimi ki, geridönüş edə bilərsiniz?

- Bilirdik ki, qol buraxdıq-buraxmadıq, istənilən halda, 2 qol vurmalı idik. Finala çıxmaq istəyirdiksə, bunu reallaşdırmalı idik. 

 

- Final Qəbələdə keçiriləcək, rəqib də "Keşlə"di...

- Sevinirik ki, finalı Qəbələdə oynayacağıq. Əlbəttə, kuboku qazanmaq istəyirik. Ancaq bunadək çempionatda oyunlarımız var.  

 

- "Qəbələ"ylə müqavilən cari mövsümün sonunda bitir. Maraqlıdı, qalacaqsan, yoxsa?

- İndi bu haqda bir şey deyə bilərəm. 

 

- Digər klublardan təkliflər var?

- Sadəcə, indi heç nə deyə bilmərəm.  

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin