AFFA hakimi döyərək təhqir edən məşqçini 10 oyunluq cəzalandırdı

Sportarena.az      25 Aprel 2018, 15:35

Futzal üzrə Azərbaycan çempionatı, Regional və aşağı yaş qruplarından ibarət liqalardakı 7 oyunda hakimlər təhqir olunub.

 

Sportarena.az xəbər verir ki, AFFA İntizam Komitəsi belə hallara qarşı cəza tədbirləri görüb:

 

U-14 Liqasında çıxış edən “Neftçi” İK İB klubunun məşqçisi Fəxrəddin Mürvətovu 10 oyunluq cəzalandırıb. Səbəb onun Astaranın UGİM komandası ilə matçın 59-cu dəqiqəsində hakimə kəskin etiraz, təhqirlər ünvanlaması və fiziki təzyiq göstərməsidir.

 

Futzal üzrə Azərbaycan birinciliyinin II dəstəsində “Hövsan”la matçının 46-ci dəqiqəsində “Avanqard”ın məşqçisi Vahid Həşimov hakimi təhqir etdiyinə görə texniki zonadan kənarlaşdırıldığı üçün 5 oyunluq cəzalanıb.

 

Regional Liqada “Şəki” ilə oyundan sonra "Şirvan"ın futbolçusu Şahin Cəfərov, Gənclər Liqasında "Səbail"lə görüşün 86-cı dəqiqəsində "Neftçi"nin futbolçusu Seymur Həmidov hakimi təhqir etdiyinə görə meydandan kənarlaşdırıldığı üçün 4 oyun cəzalanıb.

 

U-12 Liqasında “Vətən”lə matçda “Səbail”in məşqçisi Fərid Namazov, “Leon”la görüşdə isə “Vətən”in məşqçisi Samir Abdulrəhmanov hakimi təhqir etdiyinə görə texniki zonadan kənarlaşdırıldığı üçün 3 oyun cəzalanıb. 

 

U-13 Liqasında “Səbail”lə görüşdən sonra “Vətən”in futbolçusu Fəxri Məmmədli hakimi təhqir etdiyinə görə meydandan kənarlaşdırıldığı üçün 2 oyun cəzalanıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin