Klublararası DÇ ilə bağlı İnfantinonun ideyası qəbul olunmur

12:13 1 May 2018

FİFA prezidenti Canni İnfantino klublararası dünya çempionatı ilə bağlı ideyasına istənilən dəstəyi ala bilməyib.

 

Sportarena.az xəbər verir ki, FİFA-nın mənzil-qərargahında bu məsələ konfederasiya rəhbərləri ilə müzakirə edilib. İnfantino klublararası DÇ-də komandaların sayının 24-ə qaldırılmasını və turnirin 4 ildən bir keçirilməsini təklif edir.

 

Məlumata görə, bu layihəyə 25 milyard dollar investisiya yatırmaq istəyən şirkətlər də var. Ancaq bəzi konfederasiyalar bu ideyanı dəstəkləməyib. Xüsusən də UEFA İnfantinonun ideyasına qarşı çıxıb.

 

Məsələnin FİFA-nın növbəti konqresində müzakirəyə çıxarılacağı da gözlənilir.


Digər xəbərlər

Xəbər xətti