"Xəzər" çempion oldu

Sportarena.az      4 May 2018, 18:35

Bu gün futbol üzrə Azərbaycan Birinci Divizionunda 26-cı turun oyunları keçirilib.

 

Sportarena.az xəbər verir ki, turun bütün qarşılaşmaları eyni gündə, eyni saatda baş tutub.

 

Hesabat turu Birinci Divizionda 2017/18 mövsümünün çempionunun müəyyənləşməsi ilə əlamətdar olub. Belə ki, Bakının “Xəzər” klubu debüt mövsümündə qızıl medallara yiyələnib. Bu gün “Zaqatala” ilə qarşılaşan paytaxt təmsilçisi 3:2 hesabı ilə qalib gələrək, son turun nəticələrindən asılı olmayaraq, 1-ci yeri təmin edib. Çempionun müəyyənləşməsində 2-ci pillədə qərarlaşan “Qaradağ Lökbatan”ın xal itkisi də rol oynayıb. Səfərdə “Turan Tovuz”a 1:2 hesabı ilə uduzan paytaxt klubu üçün xal hesabını 50-yə çatdıran Elşad Əhmədovun yetirmələri əlçatmaz olub.

 

Qızıl şansını itirən “Qaradağ Lökbatan” isə 2-ci yeri təmin edib. 3-cü pillədə qərarlaşan “Şüvəlan”ın səfərdə “Mil-Muğan”a uduzması gümüş medalların taleyinə aydınlıq gətirib. Belə ki, 46 xala malik “Qaradağ Lökbatan” şüvəlanlılardan 4 xal öndə qərarlaşıb.

 

Birinci Divizion, 26-cı tur

4 may

Mil-Muğan – Şüvəlan 1:0
Qol: Vüqar Asəliyev, 82.

 

Xəzər – Zaqatala 3:2
Qol: Tural Qürbətov, 55. Ramil Həsənov, 73. Eltun Turabov, 78 – Cavad Kazımov, 58. Nicat Muxtarov, 71.
Qırmızı vərəqə: Tural Qürbətov, 81 (“Xəzər”) – Roini İsmayılov, 81 (“Zaqatala”).

 

Turan Tovuz – Qaradağ Lökbatan 2:1
Qol: İlkin Rzayev, 7. Tuqay Alhüseynli, 52 – Sabir Allahquliyev, 41.
Qırmızı vərəqə: Sabir Allahquliyev, 87 (“Qaradağ Lökbatan”).

 

Ağsu – Binə 3:2
Qol: Adil Tağıyev, 16. Ramil Əliyev, 26. Bəhlul Əliyev, 89 – Sərxan Ağayev, 12. Vüsal Səfərov, 71-pen.
Qırmızı vərəqə: Qalib Əmrahov (“Ağsu”).
 

MOİK – Sabah 0:0
Hakimlər: Səbuhi Bayramov, Elman Musayev, Elman Kərimov, Nahid Xasıyev
“Bakı” FK-nın təlim-məşq bazasının stadionu.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin